Bible teachings

15 Versikulo pa Hende Ku Kanser

bibl

Awe, dia a kuminsá manera tur otro dia. Hopi kos di hasi, pero nos famia a para ketu pa lesa Beibel i hasi orashon. Asina nos ta konfia Dios ku e mes lo regala nos ora den e dia pa kaba tur kos di hasi.

Despues papiando na telefon ku un gran amiga di mi, nos a haña un respondi duru. Kasá di mi amiga tin kanser!

Un sentimentu di tristesa kier a podera di mi pero mi a wanta duru. NO, mi di. Mi ta bai konfia Dios pa mi amigu. Anto mes ora mi a pone mi mes pa buska den Dios su palabra kiko E lo bisa mi amigu.

Akinan mi a skibi nan pe…i mi ta komparti nan ku bo. Esaki ta Dios su respondi pa mi amigu. Dios su respondi pa bo tambe. El a skibi nan pa nos no lubida nan!

Si bo tin un amigu malu of si bo mes ta malu, esaki ta Dios su remedi. Lesanan, memorisanan i kere nan.

Pronto lo bo biba nan.

Forsa!

Dios ta ku bo.

 

1.  Salmo 18: 6

Den mi ansha mi a sklama na SEÑOR,

sí, mi a grita duru na mi Dios.

El a skucha mi stèm fo’i su palasio selestial,

mi gritu di ousilio a yega na su orea.desespera

 

2.  Salmo 33:20-22

20Nos alma ta warda binimentu di SEÑOR,

E ta nos yudansa, E ta nos eskudo.

21Sí, nos kurason ta kontentu kunÉ,

nos ta pone nos konfiansa den su nòmber santu.

22Bo amor i bondat, SEÑOR, keda riba nos,

manera nos konfiansa ta firme den Bo.

 

 

3.    2 Korintionan 3-6

3Laga nos alabá Dios i Tata di nos Señor Hesu-Kristu! E ta un Tata mizerikordioso i un Dios ku semper ta konsolá. 4E ta Esun ku ta konsolá nos den tur nos tribulashonnan, ya nos por hasi uso di e konsuelo ei, pa konsolá otro hende ku tambe ta pasa den tur sorto di tribulashon. 5Pasobra meskos ku nos ta tuma parti na e hopi sufrimentunan di Kristu, asina tambe nos ta haña hopi konsuelo pa medio di djE. 6Ke men si nos ta sufri, ta pa boso haña konsuelo i salbashon. Si Dios konsolá nos, ta pa boso haña konsuelo i kapasidat pa soportá ku pasenshi e sufrimentunan ku nos tambe ta pasa aden.

 

4.     Mat 11: 28-29

28Tur ku ta kansá i kargá, bini serka Mi i Ami lo duna boso sosiegu. 29Tuma mi yugo riba boso skouder i siña di Mi, pasobra Mi ta mansu i humilde; i boso lo haña sosiegu.30Pasobra mi yugo ta suave i mi karga ta lihé.’

 

5.  Deuteronomio 3:16

16Sòru pa boso ta fuerte i balente, no tene miedu ni laga nan desanimá boso, pasobra SEÑOR, boso Dios, mes ta bai ku boso. Hamas lo E laga boso, ni bandoná boso.’

 

6.    Salmo 138:3

3Ora m’a yama Bo Bo a skucha,

B’a duna mi ánimo i forsa.

 

7.    Proverbio 3:5-6

5Konfia den SEÑOR ku henter bo kurason

i no sea tèrko.

6Tene kuenta kunÉ den tur loke bo hasi

i lo E mustra bo e kaminda korekto.

 

8.    1 Pedro 5:6-7

6Humiliá boso mes antó i entregá boso den man poderoso di Dios i na su debido tempu lo E alsa boso.7Tira tur preokupashon riba djE, pasobra E ta kuida boso.

 

 

9.    Filipense 4:6-7

6No preokupá pa nada, sino den tur sirkunstansia presentá boso petishonnan na Dios den orashon i semper ku gradisimentu. 7I e pas di Dios ku niun hende no por komprondé, lo warda boso kurason i mente den union ku Kristu-Hesus.

Praying together

10.   Filipense 1:6

6Mi ta konvensí ku Esun ku a kuminsá un bon obra den boso, lo sigui te ora E termin’é riba e dia ku Kristu-Hesus bini.

 

11.   Yeremias 29:11-14ª.

11T’Ami so konosé e plannan ku Mi tin pa boso; Mi ta sigurá boso ku Mi ke boso felisidat, no boso desgrasia; Mi ta primintí boso un futuro yen di speransa. 12Kada be ku boso invoká Mi i bini serka Mi den orashon, Mi ta skucha boso. 13Si boso buska Mi di henter boso kurason, boso ta haña Mi tambe.14Mi ta primintí ku Mi ta laga boso haña Mi. Mi ta kambia boso suerte pa bon

 

12    Huan 14:1

1No bira sobresaltá; boso ta kere den Dios, kere den Mi.

 

13    Romano 8:2

2Pasobra e lei di Spiritu ku ta duna bida den Kristu-Hesus, a libra bo di e lei di piká i morto.

14    Salmo 8: 16-17

16E mesun Spiritu ta konfirmá loke nos spiritu ta testiguá, esta ku nos ta yu di Dios. 17I komo nos ta yu, nos lo tin parti tambe den e benefisionan ku Dios a primintí. Nos lo tin parti den nan huntu ku Kristu, basta nos sufri huntu kunÉ pa asina nos por ta huntu kunÉ den su gloria tambe!

 

 

15    Romano 8:24-25

4Pasobra ta ku e speransa ei nos a haña salbashon. Pero si un hende ta mira loke e ta spera, esei no ta speransa mas. Ken lo keda spera riba loke ya e ta mira su dilanti? 25Pero si loke nos ta anhelá ta algu ku nos no ta mira ainda, nos ta warda riba dje ku pasenshi!

 

You Might Also Like

1 Comment

  • Reply
    Tractor Workshop Manuals
    November 3, 2017 at 4:29 am

    An fascinating discussion will most likely be worth comment. I do think you ought to write regarding this subject, it may often be a taboo topic but

  • Leave a Reply

    Free eBook - Why Your Child Should Obey.

    Subscribe to Get Free E-book to your Email

    We respect your privacy.