Book-Publishing

GET FREE STUFF

Books: Slide Down to check them out !

Mimina Kindle Edition

Book Cover: Mimina Kindle Edition

Mimina a krese huntu ku e yunan di nan Shon, Miriam i Chris, manera ruman. Mimina i Miriam tabatin mes edat i tur paña di Miriam ku bira bieu tabata bin pa Mimina. Ora nan a bira un tiki mas grandi Mimina por a asta siña skibi i lesa huntu ku Miriam. Nunka Mimina no a sinti su mes malu ku e tabata katibu di Miriam.
Mimina su amistat ku su doño Miriam a para kaba na nada di un dia pa otro ora el a siña komprondé ku e ta solamente un katibu. E ta propiedat di Miriam. E por wòrdu bend’é, usá, i mal usá na kualke momentu.
Un rabia a drenta Mimina i el a buska revancha aunke su mama i wela a rog’é pa e tene fe den Dios i no laga su kurason bira amargá.
Mimina no ke tende. E ke ta hende liber pa kaba! E no ta bai warda riba Dios ni niun hende mas! E ta kla pa trapa riba tur hende pa e logra su meta.

Mimina lo baha su kabes atrobe i aseptá ku e ta propiedat di hende? Òf e lo por logra su libertat pa su famia manera e ta deseá?
Un novela históriko interesante ku ta konta di Kòrsou su katibunan den añanan 1700-1863.

No Comments

Leave a Reply

Free eBook - Why Your Child Should Obey.

Subscribe to Get Free E-book to your Email

We respect your privacy.